Song Lyrics

||ప|| |అతడు|
       రామ రామ రఘురామ… అని పాడుతున్న హనుమా…
       అంత భక్తి పరవశమా… ఓ కంట మమ్ము గనుమా…
       సరదాగా నా గాలి పాట వినుమా
       విన్నాక బదులిచ్చి ఆదుకొనుమా
       గాలికి పుట్టా గాలికి పెరిగా అచ్చం నీలాగ
       నిత్యం నీతో ఉన్నాగా..ఇద్దరి లక్షణమొకటేగా || రామ రామ||
.
||చ||
       అమ్మల్లే నను పెంచింది ఈ పల్లెసీమ
       నాన్నల్లే నడిపించింది ఊరంత ప్రేమ || అమ్మల్లే ||
       ఎలా పెంచుకున్నా ఎలా పిలుచుకున్నా
       ఈ మట్టి సొంతం నా చిట్టి జన్మం
       అన్నీ సొంత ఇళ్ళే అంతా అయినవాళ్ళే
       ఈ స్నేహ బంధం నా పూర్వ పుణ్యం
       బ్రతుకంతా ఇది తీరే ఋణమా || రామ రామ||
.
||చ||
       ఏ ఆటలాడిస్తావో ఓ కోతి బొమ్మ
       ఏ బాట చూపిస్తావో కానున్న బ్రహ్మ
       ప్రసన్నాంజనేయం అనే నామధేయం
       ప్రతి మంచి కార్యం జరిపించు దైవం
       ప్రభాదివ్యకాయం ప్రకీర్తి ప్రదాయం
       నాలోని ధైర్యం శ్రీ ఆంజనేయం
       నా వెంటే నువ్వుంటే భయమా… || రామ రామ ||

Song Lyrics

||ప|| |అతడు|
       శ్రీ ఆంజనేయం ప్రసన్నాంజనేయం
       ప్రభా దివ్యకాయం ప్రకీర్తిప్రదాయం
       భజే వాయుపుత్రం భజే వాలగాత్రం
       భజే సూర్యమిత్రం భజేహం పవిత్రం
       భజే రుద్రరూపం భజే బ్రహ్మతేజం
       భజే వజ్రదేహం భజేహం..భజేహం…భజేహం
.
||చ||
       ఏ యోగమనుకోను నీతో వియోగం
       ఏ పుణ్యమనుకోను ఈ చేదు జ్ఞానం
       తపస్సనుకోలేదు నీతోటి స్నేహం
       మోక్షమనుకోలేను ఈ మహాశూన్యం
       నేలపై నిలపక నెయ్యమై నడపక
       చేరువై ఇంతగా చేయి విడిచేందుకా
       అరచేత కడదాక నిలుపుకోలేవంటూ
       నిజము తెలిపేందుకా గాలికొడుకా
       ఇలా చూపేవు వేడుక
       శ్రీ ఆంజనేయం ప్రసన్నాంజనేయం
       ప్రభా దివ్యకాయం ప్రకీర్తిప్రదాయం
.
||చ||
       రామనామము తప్ప వేరేమి వినపడని
       నీ చెవికెలా తాకే నా వెర్రికేక
       నీ భక్తి యోగముద్రను భంగపరిచేనా
       మట్టి ఒడిలోని ఈ గడ్డిపరక
       అమ్మ ఇచ్చిన నాటి నమ్మకము మెచ్చి
       అమృతపు నదిలాంటి కరుణలో ముంచి
       ఈత తెలియని నాతో ఆడుతున్నావా
       కోతి చేష్టలు చేసి నవ్వుతున్నావా
       శ్రీ ఆంజనేయం ప్రసన్నాంజనేయం
       ప్రభా దివ్యకాయం ప్రకీర్తిప్రదాయం
.
||చ||
       కన్ను విడిచిన దృష్టి నిన్ను పోల్చేదేలా
       గొంతు విడిచిన కేక నిన్ను చేరేదెలా
       గుండె విడిచిన శ్వాస నిన్ను వెతికేదెలా
       నన్ను విడిచిన ఆశ నిన్ను పొందేదెలా
       బతుకోపలేనంత బరువైన వరమాల
       ఉరితాడుగా మెడను వాలి
       అణువంత నా ఉనికి అణిగేంతగా
       తలను నిమిరె హనుమంత నీజాలి
       నా చిన్ని బొమ్మవను భ్రమను చెరిపే తెలివి
       బ్రహ్మవని తెలిపి బలిచేస్తే ఎలాగయా
       నిలువునా నన్నిలా దహించే నీదయ నాకెందుకయ్యా
       ఓ ఆంజనేయా ఓ ఆంజనేయా
       ఓ ఆంజనేయా ఓ ఆంజనేయా ఓ ఆంజనేయా

శ్రీ ఆంజనేయం

మనోజవం మారుతతుల్య వేగం
జితేంద్రియం బుద్ధిమతాం వరిష్టం
వాతాత్మజం వానరయూధ ముఖ్యం
శ్రీరామ దూతం శిరసా నమామి